2012 ഫെബ്രുവരി 24 ഒരു ചെറിയ ഇടവേളയ്ക്കു ശേഷം വീണ്ടുമൊരു ഒത്തുകൂടല്‍. പതിവുകള്‍ക്കു വിപരീതമായി ഇത്തവണ വാസ്തു, ജ്യോതിഷം, ബിസിനസ്‌, പ്രശ്ന ചിന്തകള്‍, പഠനം, ജോലി ഇത്യാദി വിഷയങ്ങളില്‍ ആയിരുന്നു ചര്‍ച്ച. വേദങ്ങളിലും ഉപനിഷത്തുക്കളിലും മുപ്പതോളം ഭാഷകളിലും ജ്യോതിഷം, വാസ്തു, താന്ത്രിക്, പൂജ തുടങ്ങിയവയില്‍ അഗാധ പാണ്ടിത്യമുള്ള
Dr . Lakshmidasan (http://brahmajyothisha.com/) സാറിന്റെ വസതിയായിരുന്നു സുഹൃത്ത് സംഗമ വേദി. രണ്ടു മണിക്കൂറോളം നീണ്ട ആ സുഹൃത്ത് സമാഗമ
സംഭാഷണങ്ങളില്‍ നിന്നും പ്രചോദനമുള്‍ക്കൊണ്ട്, ഊഷ്മളമായ ആ സൌഹൃദത്തിന്റെ
ആഴത്തില്‍ അതിശയിച്ചു, ആ കൂട്ടുക്കെട്ടിന്റെ സകലവിധ വികാരവിചാരങ്ങളെയും ആവാഹിച്ചു,
എന്റെ സഹപാഠിയും സുഹൃത്തും സര്‍വോപരി ആത്മീയ ഗുരുവുമായ
സര്‍വശ്രി. ഡോ. ലക്ഷ്മിദാസന്‍ സര്‍ കുറിച്ച വരികള്‍ ആണ് ഇവിടെ രേഖപ്പെടുത്തുന്നത്.
കൂട്ടുകാര്‍
കൂട്ടായ കൂട്ടല്ല; കൂട്ടിന്റെ കൂട്ടല്ല
വീട്ടില്‍ കുടുങ്ങും തവളതന്‍ മട്ടല്ല
കട്ടായമപ്പുറമോതിയാല്‍ പെട്ടു പോം-
മട്ടില്‍ തുടങ്ങുന്ന നല്കൂട്ടുകെട്ടതാം.
വിദ്യക്ക് കൂട്ടല്ല; സദ്യക്ക് കൂട്ടാണ്
നിത്യ നിദാനങ്ങള്‍ നാഴിക നീളവേ
സ്വപ്ന ബോധങ്ങളും സന്തപിക്കാതൊരു
ഭാഗ്നാശ തീണ്ടാത്ത നല്ക്കൂട്ടുകെട്ടുകാര്‍
ആസവം മോന്തുവാന്‍ നല്സുഖം പ്രാപിച്ചു
വാസഗൃഹങ്ങളില്‍ വിട്ടന്തിമോന്തുവാന്‍
കൂസാത കൂട്ടിന്റെയെല്ലുറപ്പിന്‍ പേരു
സല്‍സാഹിതീയ വഴിക്കൊന്നു ചൊല്ലിടാം.
മാനസവീണയില്‍ തന്ത്രിമീട്ടും വഴി
കാനന കീചകരാഗം മുഴക്കിടാം
വാനബലത്തില്‍ കുതിക്കുമിളം തണ്ടു
മേനവര്‍ക്കില്ല കുറിക്കൊല്ക ശീലവും
തല്ലിനുമെല്ലിനുമൊപ്പം മരുവിടും
ഊണിനും നിദ്രക്കുമേക പദേഭുവി
നല്‍കുന്ന തെറ്റിലും കുറ്റങ്ങള്‍ പാതയില്‍
വെല്കും മനസ്സിന്‍ പ്രവാചകരിപ്പേരാം
സത്യം വഴി വിരചിക്കും സമൂഹമേ
നിത്യം ഉണര്‍ത്തുക കര്‍തൃത്വമേകി നീ
എത്താത മേഖലയെത്തിക്ക മാനുഷ
സത്തയെ മുന്‍പേതിലും മോടി കൂടിയായി
കൂട്ടുകാര്‍ കാടുകാട്ടിക്കഴിചോര്കളും
വീട്ടുകാരകവേ സ്വല്‍പ്പം മറക്കണം
വിട്ടില്ല പട്ടങ്ങള്‍ ചട്ടമുറകളും
വീട്ടണം മാനുഷ ഭാവിയെ പുല്‍കുവാന്‍.
1 comment:
Excellent piece!
Post a Comment