ജനസംഖ്യയുടെ മൂന്നില്‍ ഒന്ന് വീതം വനസംരക്ഷണത്തിനും ജലസ്രോതസ്സുകളുടെ സംരക്ഷണത്തിനും മനുഷ്യ വിഭവ ശേഷിയുടെ ഉപയോഗത്തിനും വേണ്ടി നിയോഗിച്ചു അതിലൂടെ സാമൂഹിക പ്രതിബദ്ധതക്ക് തുടക്കമിട്ടതാണ് രാജ ഭരണ കാലഘട്ടം.പതിറ്റാണ്ടുകള്‍ പിന്നിട്ടപ്പോള്‍ മനുഷ്യന്‍ മാത്രമല്ല കോര്‍പ്പറേറ്റ്- കളും ഒരു സമൂഹ ജീവിയാണ് എന്ന തിരിച്ചറിവില്‍ സമൂഹത്തിന്റെ ഉന്നമനത്തിനു വേണ്ടി ഒട്ടേറെ ആശയങ്ങള്‍ പകരുകയും ജനകീയ പങ്കാളിത്തതോടെ പലതും നടപ്പിലാക്കുകയും ചെയ്തിട്ടുണ്ട്. എന്നാല്‍ സമാധാനത്തിനു വേണ്ടി പ്രാവുകളെ പറത്തുക, പ്ലകാര്‍ഡുകള്‍ ഏന്തി സൈക്കിള്‍ യാത്രകള്‍, ആരോഗ്യ വാരാഘോഷങ്ങള്‍, ഹരിത വിപ്ലവത്തിന് വൃക്ഷ തൈകളുമായി റാലികള്‍ നടത്തുക , കടല്‍ തീരത്ത് മണല്‍ ശില്‍പ്പങ്ങള്‍ നിര്‍മ്മിക്കുക തുടങ്ങി ചില നിരന്തരമായ നിരര്‍ഥക ശ്രമങ്ങള്‍ക്കാണ് ഈ കാലഘട്ടം സാക്ഷ്യം വഹിക്കുന്നത്. വര്‍ത്തമാന കാലത്തില്‍ പബ്ലിസിറ്റിക്കുവേണ്ടി നടത്തുന്ന ഇത്തരം പൊള്ളയായ പ്രകടനങ്ങള്‍ അല്ലാതെ "giving back to society " എന്ന പ്രതിജ്ഞ ആത്മാര്‍ത്ഥമായി പാലിക്കപ്പെടുന്നുണ്ടോ ? അവ സമൂഹത്തിനു ഗുണപ്രദമാകുന്നുണ്ടോ? ആനുകാലിക സംഭവങ്ങള്‍ അനുഭവിച്ചു അറിയുമ്പോള്‍ ടെക്കി ഒരു പുനര്‍വിചിന്തനം നടത്തുകയാണ്. കൊട്ടും കുരവയും ഘോഷങ്ങളും ആയി നമ്മള്‍ നല്‍കുന്നതാണോ സമൂഹത്തിനു ആവശ്യമുള്ളത് ?
കാലിക പ്രസക്തിയുള്ള ഒരു വിഷയത്തിലേക്ക് ടെക്കി ശ്രദ്ധ ക്ഷണിക്കുകയാണ്.
ആഴ്ചയില്‍ ഒരു ദിവസം കൈത്തറി വസ്ത്രങ്ങള്‍ ധരിക്കണമെന്ന് കേരള സര്‍ക്കാര്‍ ആഹ്വാനം ചെയ്തിരുന്നു. ഇത് വഴി കൈത്തറി വസ്ത്രങ്ങള്‍ ജനകീയമാക്കുവാനും അതിനുമുപരി ആയിരക്കണക്കിന് വരുന്ന കൈത്തറി തൊഴിലാളികളുടെ ജീവിത വീഥിയില്‍ ഒരു തരി വെളിച്ചം പകരുവാനും സഹായകമാകുമായിരുന്നു, ഒപ്പം നാശോന്മുഖമായികൊണ്ടിരിക്കുന്ന ഒരു വ്യവസായത്തെ പുനരുജീവിപ്പിക്കുവാനും സാധിക്കുമായിരുന്നു. എന്നാല്‍ സര്‍കാരിന്റെ ആഹ്വാനം വേണ്ടവിധം പ്രാവര്‍തികമാകുന്നില്ല എന്നത് ദുഖകരമായ വസ്തുതയാണ്.
ആയിരക്കണക്കിന് രൂപ കൊടുത്തു വിദേശ ബ്രാന്‍ഡ്‌ വസ്ത്രങ്ങള്‍ മാത്രം വാങ്ങുകയും അതിനെ അടിസ്ഥാനമാക്കി മാത്രം ജീവിത നിലവാരത്തെ നിര്‍ണയിക്കുകയും ചെയ്യുന്ന ന്യൂ ജനറേഷന്‍ പ്രൊഫഷനല്‍ സമൂഹത്തിനു
ആഴ്ചയില്‍ ഒരിക്കല്‍ എങ്കിലും കൈത്തറി വസ്ത്രം (ഷര്‍ട്ടോ, ചുരിധാരോ എന്തുമാകട്ടെ) ധരിച്ചു കൂടെ? ഒരാള്‍ ഒരു ജോഡി വസ്ത്രം മാത്രം എടുത്താലും മുപ്പതിനായിരത്തില്‍ അധികം തുണിത്തരങ്ങള്‍ ടെക്നോപാര്‍ക്കില്‍
മാത്രം ചിലവാകില്ലേ? നമ്മുടെ കാലാവസ്ഥക്ക് എന്ത് കൊണ്ടും അനുയോജ്യം ഇത്തരം വസ്ത്രങ്ങള്‍ അല്ലെ?
സമൂഹത്തിനു നന്മ വരണം എന്ന് അല്‍പ്പമെങ്കിലും ആഗ്രഹിക്കുന്നുണ്ടെങ്കില്‍ , ഉത്തരവാദിത്വമുണ്ടെങ്കില്‍ , അതുമല്ലെങ്കില്‍ സാമൂഹിക പ്രതിബദ്ധതയുടെ ഭാഗമായിട്ടെങ്കിലും കൈത്തറി വസ്ത്രങ്ങളുടെ പ്രചാരണത്തിന് എന്ത് കൊണ്ട് കോര്‍പ്പറേറ്റ് - കള്‍ക്ക് മുന്‍കൈ എടുത്തു കൂടാ?
(വലിയ കേമന്മാരാണെന്ന് ചമഞ്ഞു നടക്കുന്ന നമുക്കും ഇത് ബാധകമാണ്. വസ്ത്ര ധാരണത്തില്‍ മാത്രമല്ല , പ്രവര്‍ത്തികളിലും വ്യക്തിത്വമുണ്ടെന്നു നാം തിരിച്ചറിയണം. "തള്ളു മാഹാത്മ്യത്തിനു " പരിധിയുണ്ടെന്നും ആത്മാര്‍ഥ സേവനത്തിനു അതില്ലെന്നും നാം മനസിലാക്കുക)
ആഴ്ചയില്‍ ഒരു ദിവസമെങ്കിലും കൈത്തറി വസ്ത്രം നിര്‍ബന്ധമാക്കുക.അത് വഴി കൈവരുന്നത് ഒരു സമൂഹത്തിന്റെ ഉന്നമനം മാത്രമല്ല , സത് പ്രവര്‍ത്തി ചെയ്യുമ്പോള്‍ ലഭിക്കുന്ന മന സംതൃപ്തി കൂടിയാണ്.
4 comments:
Very Good thought Sudhish. When we dress according to our climate at the same time be presentable, that shows we are not fake, we are real!!
Let this be a good beginning to promote Khadi, our fabric of freedom.
Excellent suggestion, Techie. It's the need of the hour, and high time to be earnest, realistic, empathetic and compassionate!
You said it...!!! :)
Post a Comment